Montag, 11. Oktober 2010

Sherqitürkistan Birliki Teshkilati Xitaygha Qarshi Paaliyet Élip Bardi




Mushu ayning 6-künidin 10- künigiche Gérmaniyede Argéntina dölitining sahipxanliq qilishi bilen ötküzilgen Frankfurt Xelqra Kitab yermenkisi dunyaning herqaysi dölet we rayonliridin kelgen 100,000 lighan kishining qedem teshrip qilishigha nayil boldi.Bu yilqi yeni 2010-yilliq Nobel mukapatining Uyghur edbiyati sahesidikilerge uzaq yillardin béri tonushluq bolghan, Latin Amérikisining duyawiy meshhur yazghuchisi Mariyo Vargas Losagha bérilgenliki Frankfurt Xelqara yermenkisini téximu qaynam-tashqinliqqa chümdürgenidi.



Sherqitürkistan Birliki Teshkilati bu qétimqi Frankfurt Xelqara Kitap Yermenkisini milliy dawaymizni küchlendürüshning muhim pursiti dep bilip, Sherqitürkistan xelqining jümlidin Uyghur xelqining béshigha kéliwatqan her türlük heqqaniyetsizliklerni anglatti. Shu arqiliq Sherqitürkistanda yüz bériwatqan érqiy we kultural qirghinchiliqni dunya jamaetchilikining aldida pash qildi.



Sherqitürkistan Birliki teshkilati Yawropaning dunyagha échiwitilgen eng chong derwazisi hésaplinidighan Frankfurt sheheride qurulghan 4 yildin béri, cheklik imkaniyetliridin paydilinip, ichkiy we tashqiy buzghunchiliqlargha bash egmey, wetinimiz we millitimizning dert-hesretlirini xelqara jamaetchilikke we xelqaraliq teshkilatlargha aktipliq bilen anglitip, weten ichi we siritidiki xelqimizning qizghin hörmitige sazawer bolup kelmekte.



Sherqitürkistan Birliki teshkilati bu qétimqi Frankfurt Xelqara Kitab Yermenkisini milliy dawayimizni anglitishning muhim bir pursiti dep qarap, bu paaliyetke qatnishish üchün estayidil teyyarliq qilghanidi. Sherqitürkistan Birliki teshkilati bu qétimqi paaliyette Dunyada metbechilikni tunji qétim keship qilghan, bir xelqning, nime üchün 21-esirge kelgendimu metbechilikning qudriti bes-beste namayan qilinidighan, eqil-parasetning nuri parlaydighan mushundaq bir xelqaraliq paaliyetke dunya milletliri qatarida resmiy shekilde qatnishalmaydighanliqini xelqara jamaetchilikke anglitish üchün zor tirishchanliq körsetti.




Sherqitürkistan Birliki teshkilati bu paaliyetke alahiyde teyyarliq qilghan bolup, ular hazirlighan yaymigha Sherqitürkistan tarixida ötken meshhur shexislerning eserliri, hör dunyada qurulghan teshkilatlar teripidin neshir qilinghan gézit-jornal, Kitab, VCD, Teshwiqatkartliri we Birishuriler tizilghan bolup, kishilerning intayin qiziqishini qozghidi.Paaliyet sorunigha qadalghan, Sherqitürkistan xelqining musteqilliq arzusining simiwoli bolghan Ay-yultuzluq kök bayraq, „Xin Jiang emes Sherqitürkistan!“ we "Sherqitürkistangha Musteqilliq!" qatarliq mezmundiki pilakatlar paaliyet meydanini téximu janlandurdi.



Sherqitürkistan Birliki teshkilati bu paaliyette Sherqitürkistan milliy dawasining peqetla kishlik hoquq we insan heqliri dawasi bolupla qalmay eksiche, Xitay tajawuzchilliri teripidin 61 yil burun mustemlikige uchrighan bir döletning qayta qurulush dawasi ikenliki asasiy mezmun qilinghan halda bayanat élan qildi. Bu bayanat Uyghurche, Engilizche, Gérmanche we Türkche tillarda hazirlanghan bolup, nishanliq objekitlargha 1000 parchidin artuq tarqitildi.Shu arqiliq xelqarada xitay teshwiqatliri we teslimchi küchler sewebidin shekillinip qalghan bir qatar xata chüshenchilerge tüzitish we izahat bérildi.


Sherqitürkistan Birliki teshkilatining paaliyet meydanini Gérmaniye dolqunliri, El-jezire, Xelqara qelemkeshler teshkilati qatarliq dangliq mediye orunliri teripidin ziyaret qilindi.Ular sorighan her-türlük suallargha qayil qilarliq jawap bérildi. Paaliyet meydanini ziyaret qilghanlarning ichide, herqaysi döletlerdin bu paaliyetke alahiyde teklip bilen qatnashqan Propessorlar, dangliq yazghuchilar, parlamént ezaliri, studéntlar bar bolup, ulargha Sherqitürkistanning nöwettiki weziyiti heqqide etrapliq melumatlar bérildi.



Bu paaliyetke Sherqitürkistan Birliki Teshkilatining bir qisim gholluq ezaliri qatnashti. Paliyet pilan we programma boyiche ikki kün élip bérildi. Ettigen saet 09:00 da bashlanghan programma kech saet 18:00 giche dawamlashti.(K.Atahan)




Sherqitürkistan Kultur Merkizi




11-Öktebir 2010 Frankfurt am/Main

http://hantengri.blogspot.com/2010/10/sherqiturkistan-birliki-teshkilati.html

Mittwoch, 6. Oktober 2010

Sherqitürkistan Birliki Teshkilatining Paaliyiti Heqqide Uxturush

Hörmetlik qérindashlar,

Gérmaniyening Frankfurt sheheride her yili ötküziliwatqan xelqaraliq kitab yermenkisi xelqarada küchlük nopuzgha ige kultural paaliyetlerning biri bolup, u 500 yildin artuq tarixiy enenige ige.Frankfurt xelqaraliq kitab yermenkisining dunyagha kélishi, Yawropada tunji bolup metbeeni keship qilghan, dep qaralghan Gérmaniyelik Johannes Gutenbergning nami bilen zich munasiwetlik bolup, bu paaliyet 1949-yilidin béri her yili bir qétim ötküzülüp kelmekte.

Bu paaliyetke dunyaning 200 ge yéqin dölet we rayonliridin 3 mingdin artuq metbuat orunliri shundaqla 100 minggha yéqin ziyaretchi qatniship, özlirining ilim-pen we medeniyetke ayit keshpiyat we ijadiyetlirini tentene qilishidu.Bundaq bir eqil we paraset nuri parlaydighan katta sorungha, metbechilikni Yawropaliqlardin ming yillar ilgiri keship qilghan Uyghurlar, Xitay tajawuzchillirining boyunturuqi sewebidin resmiy shekilde qatnishalmaydu.

Xelqarada metbening shan-shöhriti tentene qiliniwatqan, eqil-paraset méwilliri namayan qilinidighan, bilim we medeniyetning qedri-qimmiti hessilep éshiwatqan mushundaq bir dewirde, Insaniyet medeniyitige öchmes töhpilerni qoshqan Sherqitürkistan xelqining jümlidin Uyghurlarning milliy til-yéziqining cheklinishi, milliy maaripining weyran qilinishi, étnik we kultural adetlirining buzghunchiliqqa uchrishi kishini ghezeplendürmey qalmaydu.


Bu qétimqi Frankfurt Xelqara Kitab yermenkisi ilgirkige oxshashla , Xitay tajawuzchilliri teripidin Sherqitürkistanda yürgüzüliwatqan érqiy we kultural qirghinchiliqini dunyagha anglitishning yaxshi bir pursiti. Bu munasiwet bilen Sherqitürkistan Birliki Teshkilati Frankfurt xelqaraliq kitap yermenkiside Xitay tajawuzchillirining eziz wetinimiz Sherqitürkistandiki medeniyet we til-yéziqimizni yoq qilidighan hakim-mutleq siyasetlirini pash qilidighan bir paaliyet élip barishni pilanlidi.


Sherqitürkistanliq qérindashlirimizning we Sherqitürkistanliqlar dostlirining paaliyitimizge aktip qatniship bérishini ümid qilimiz!

Paaliyet mushu ayning 9- we 10- künliri (Shenbe we Yekshembe) Frankfurt Xelqaraliq kitab yermenkisi binasining aldida ötküzilidu. Ettigen saet 09:00 din kech saet 20:00 giche dawamlishidu.

Alaqilashquchilar: Korash Atahan, Abdureyimjan Abdureshid, Osmanjan Tursun
E-xet adérisi: Uyghuren@hotmail.de
Uyguren@gmail.com

Telefon: 0157-75-38-38-06


Hörmet bilen:

Sherqitürkistan Kultur Merkizi


05-Öktebir 2010 Frankfurt am/Main