Memet Kérim Qelbimizde Menggü Hayat!



Sherqiy Türkistan xelq inqilabiy partiyisi Qeshqer shöbisining eyni yillardiki dayimi heyet ezasi, Zerepshan musteqil polkining siyasi kommisari Memet Kérim, yürek késili bilen dawalash önim bermey, tünügün 8 - ayning 1- küni 62 yéshida alemdin ötken. Bu munasibet bilen uning aile tawabatliridin we uning uruq tughqan yariburaderliridin semimiy hal soraymiz! Merhumning yatqan yeri jennette bolsun! Amin.

Merhum Memet Kérim, Sherqiy Türkistan xelq inqilabi partiyisining milliy musteqilliqni eslige keltürüsh yolidiki jenggiwar jengchisi, Zerepshan musteqil polkning qurghuchisi. Merhum qumandan Axunopning éng yéqin yardemchisi, polk qumandani. Merhum ( Xitay fashistliri teripidin 1970 - yili shéhid qilin'ghan) Memtimin Qadirning yéqin sepdashliridin idi. U özining barliq yashliq hayatini milletning azadliqi, wetenning musteqilliqini qolgha keltürish yolida serp qilghan idi. U düshmen qoligha ésirge chüshüp qalghan ( 1969 – 8 - ayning 21 - küni Atushning Sughun chazida ) chaghliridimu, düshmenni mensitmey qoralliq köreshge qumanliq qilip musteqilliqni eslige keltürüsh yolida héchnimidin qorqmighan idi. 20 yilliq turma hayatidimu düshmen'ge bash égmey köreshni dawamlashturalighan idi. U türmidiki yillarda köp qétimliq qoralliq qozghilanggha qatniship we medet bérip, köp qétim Xitay fashisit teripidin qiyin-qistaqqa tartilip zindan azabini tartqan bolsimu sepdashlirini satmighan idi. .....
80 - yllarning axirida turmidin chiqqan Memet Kérim yenila köreshni dawamlashturup Mekit we Zerepshan boylirida öz paaliyetlirini élip barghan idi. Gerche u köp qétim düshmenning qoligha chüship qalghan bolsimu, öz sepdashlirini satmay düshmen qolidin éqil parasitini ishqa sélip qutulalighan idi.

Uning hayati milletning azadliqi üchün béghishlan'ghan hayat.
Uning hayati - wetenning musteqillighini qolgha keltürüsh üchün béghishlan'ghan hayat.

Uning hayati – dinmiz Islamni qoghdash yolida Xitay fashistlirigha qarshi qoligha qoral alghan hayat.

Herbir Sherqiy Türkistanliq ( Uyghuristan) Uyghur qérindashlirimiz merhumni yad étip, uning dinimiz üchün, millitimiz üchün, weténimiz üchün élip barghan emeliy köreshlirige yuquri baha birip, uning rohidin ügünishimiz lazim.

Merhumgha janabi Allahdin jennet merhimiti téleymen. Amin!

Merhumning we uning sepdashlirining ish izlirini chungqurraq bilmek bolsingiz .
" Qara Jildiki Jeng " namliq kitabni oqup chiqing!


Menbe:http://www.uygur.org/uygurche/uchur/2008/08_02.htm