Dunya Uyghur Qurultiyining" 9 ‏-Iyul Pajiesi" Heqqidiki Chaqiriqnamisi

Bügün yeni 7 ‏-ayning 9 ‏-küni millitimiz üchün musibetlik bir kün , pajielik bir kün boldi. Bu küni Ürümchide diniy söhbet ötküziwatqan 15 neper oghul -qiz xitay saqchiliri teripidin oqqa tutulup 5 nepiri öltürüldi.

Xitay hökümiti bügünki whshiyliki bilen uyghur millitini qoral tutsimu qoral tutmisimu, qarshiliq korsetsimu qarshiliq körsetmisimu oxshashla qirghin qilidighanliqini jakarlidi.

Xitay bügünki qanliq basturushi bilen özining milliy qirghinchiliq siyasiti we dölet térori métodini yalingach bir shekilde ashkarilidi

Xitay olimpik harpisidiki bu ghaljirliqi bilen dunya jamaet pikri we xelqara qanun'gha qilche perwa qilmaydighanliqini jakarlidi. Millitimizgila emes, olimpik rohigha, xelqra qanun'gha, kishilik hoquqqa jeng élan qildi. Millitimiz xitayning bu wehshiy qilmishdin qattiq nepretlinidu. Sherqiytürkistan Xelqi ozining erkinliki uchun élip bériwatqan herkitini yenimu ilgiri kucheytmey turup bext-saadetke érishish emes, hayatiy bixeterlikinimu kapalet astigha alalmaydighanliqini yene bir qétim tonup yétidu.

Igelligen melumatlirimiz korsettiki, Urümchide öltürülgenler öz milliy we diniy kimlikini qoghdash üchün medeniyet paaliti bilen shughulliniwatqan bigunah puqralar idi. Uyghur milliti bügün 5 neper qimmetlik perzentidin ayrildi. Bu millitimiz üchün chong bir yoqutushtur. Dunya Uyghur Qurultiyi 5 neper wetenperwer perzendi üchün teziye bildüridu we ularning aile tawabatidin hal soraydu.

Millitimizni bu 5 neper qehriman perzentining ölümi üchün , oz imkani yar bergen shekilde matem bildürüshke, ularning aile tawabatlirigha maddiy we meniwy jehettin yardem bérishke chaqiridu.

Dunya Uyghur Qurultiyi Sherqiytürkistan Xelqining Xitaylardin bu 5 neper uyghur perzentining ölümining hésawini élishqa chaqiridu! we Xitay hökumitining bu qilmishini qattiq eyipleydu !

Dunya Uyghur Qurultiyining Reyisi:

Rabiye Kadir

Menbe:http://uyghurcongress.com/Uy/News.asp?ItemID=774501828