Sherqiytürkistan Birliki Teshkilatining Bir Yilliq Omumiy Yighini échildi

2008-yili 6-Ayning 21-küni Gérmaniyening Frankfurt sheheri etrapidiki Mörfelden-Walldorfta Sherqiytürkistan Birliki Teshkilatining bir yilliq Omumiy Yighini échildi. Yighingha Milliy herkitimizning Lédiri, Dunya Uyghur Qurultiyining reyisi Rabiye Qadér xanim Alayide teklip bilen Amérikidin kélip qatnashti. Yighingha yene Sherqiytürkistan Birliki teshkilatining kop sanliq ezaliri ishtirak qilghandin bashqa, Dunya Uyghur Qurultiyining muawén reyisi Esqerjan ependi, Dunya Uyghur qurultiyining bash katibi Dolqun Isa ependi , Dunya Uyghur qurultiyi Fundining reyisi Ablimit Tursun ependi we Gérmaniyening München Sheheridiki Uyghur jamaétining bir qisim wekilliri teklip bilen qatnashti.

Yighinning kün tertiwige asasen Dunya Uyghur qurultiyining Reyisi Rabiye Qadér xanim yighinning échilish nutqini sözlep berdi. Uningdin kéyin Muawén reyis Esqerjan ependi, Bash katip Dolqun Isa ependi, Fund reyisi Ablimit Tursun ependi qatarliqlar ayrim-ayrim söz qilip Sherqiytürkistanning bügünki siyasiy weziyiti, milliy dawayimizning cheteldiki tereqqiyati heqqide pikir bayan qilip, teshkilatimizdin kütidighan ümütlirini otturgha qoydi.



Yighinning kün-tertiwige asasen Sherqiytürkistan Birliki Teshkilatining Reyisi Korash Atahan ependi teshkilatimizning kündülük xizmetliri, Bash katip ishxanisining xizmetliri, maliye xizmiti yeni kirim-chiqim ehwali, teptishlik xizmiti qatarliq mezmunlarni öz ichige alghan halda bir yilliq ishlengen xizmetlerdin, méhmanlar we teshkilat ezalirigha tepsiliy dokilat berdi.


Dokilat axirlashqandin kéyin teshkilatning teshkili aparati bashqidin qarap chiqildi. Köpchilik muzakire qilish arqiliq, teshkilatning teshkiliy apiratida zörür dep qaralghan nuqtilarda ayrim özgertishler élip bardi. idare heyyitini toluqlap saylandi, Idare heyyet ezalirining sani ilgirki 5 tin 7 ge chiqirildi. Ilgiri idare heyyitide Korash Atahan, Osman Tursun, Éli Abdurusul, Hamit Qadér, Ötkür Memtimin qatarliqlar baridi. Bu qétim Hebibulla Qarim we Aliye zeper xanim qatarliqlar Idare heyyitige toluqlap saylandi. (1) Teshwiqat merkizi, (2)Muhajirlar ishxanisi, (3) Diniy ishlar ishxanisi, (4) Maliye ishxanisi, (5)Ana-balilar ishxanisi qatarliq Ishxanilar resmiy tesis qilindi, bir qisim ishxanilargha mesul xadimlar teyinlendi, bezi wezipiler texsim qilindi. Meselen: Ötken yilqi saylamda Teshkilatimizning muawen reyisi, maliye ishxanisining bughaltirliq wezipisini qoshumche üstige alghanidi. Bu yilliq saylamda teshkilatimizning idare heyyitining yéngi ezasi Hebibulla Qarim teshkilatning bughaltérliq xizmitige, Aliye Zeper Teshkilat qarmiqidiki „Rabiye Ana mektiwi“ning ilmiy xizmetlirige mesul qilip békitildi.

Toluqlap saylam ötküzülgendin kéyin kéler yilliq xizmetler muzakire qilindi, köpchilik pikir qilip tejiribe sawaqlirimiz we kiler yilliq xizmetlirimiz heqqide bash qaturushti. Axirda kiler yilliq xizmetlerning asasiy nishani teshkilatimizni siyasiy, ijtimayi we iqtisadiy jehettin téximu küchlendürüsh, mundaqche qilip éytqanda teshkilatning asasini téximu mustehkemlep dawadiki rolini kücheytish qilip békitildi.

Yighinning axirida Teshkilat reyisi Küresh Atahan yighinning yepilish nutqini sözlep ötti.

Yighin Axirida milliy rehbirimiz, Dunya Uyghur Qurultiyining reyisi Rabiye Qader xanim axbarat orunliridin kelgen Sherqiytürkistandiki insan heqliri we kishlik hoquq depsendichiliki heqqide muxbérlarning sorighan suwallirigha jawap berdi.

Bu yighin Gérmaniye waqti saet 13:00 de bashlinip 16:30 ghiche dawamlashti, Teshkilatimizning muawen reyisi Osman Tursun riyasetchilik qildi we intayin muwepeqiyetlik échildi.


Sherqiytürkistan Birliki Teshkilati Teshwiqat Merkizi