Sherqi Türkistan Birliki Teshkilati Wekilliri Azerbeyjanliqlarning yighinida
Muxbirimiz Eqide xewiri

2008-05-29
Yekshenbe küni gérmaniyining kölin shehiride jenubiy ezerbeyjan mesilisi heqqide simnariye ötküzülgen. Simnariyige gérmaniyidiki sherqi türkistan birliki teshkilatning wekillirimu qatnashqan. Yighinda uyghur wekiller sherqi türkistan mesilisi heqqide melumat bergen.

Bu simnariyige tetqiqatchi, yazghuchi, shair we zhornalistlar bolup 50 ke yéqin kishi qatnashqan. Yighinda türük dunyasining nöwettiki,siyasiy, iqtisadiy we medeniy - Maarip weziyiti muhakime qilinghan؛ jenubiy ezerbeyjan xelqining milliy heriketliri we siyasiy tutqunlarning ehwali asasliq muzakire témisi bolghan.

Yighinda sherqi türkistan birliki teshkilatining reisi küresh ataxan söz qilip, sherqi türkistanning nöwettiki weziyiti heqqide melumat bergen. U melumatida xitayning uyghur milliy kimlikige pilanliq we qedem basquchluq halda hujum qiliwatqanliqi heqqide nuqtiliq toxtalghan.

Yighin qatnashchiliri arisidiki teshkilat rehberliri, buningdin kéyin hemkarliship paaliyet élip bérishning yolliri üstidimu pikir almashturghan.

Menbe:http://www.rfa.org/uyghur/xewerler/uyghur/sherqi-turkistan-ezerbeyjan-05292008181140.html/story_main?encoding=latin